செய்திகள்

tn bjp president: தமிழக பாஜக தலைவராகிறார் நயினார் நாகேந்திரன்? – Nainar nagendran likely to be selected as next BJP president for tamilnadu

சென்னை: தமிழக பாஜக தலைவராக முன்னாள் அமைச்சர் நயினார் நாகேந்திரன் தேர்ந்தெடுக்கப்பட உள்ளதாக தகவல்கள் வெளியாகியுள்ளன.


கடந்த 2014-ஆம் மக்களவை தேர்தலில் வெற்றி பெற்று பொன்.ராதாகிருஷ்ணன் மத்திய அமைச்சரானதால், அவர் வகித்து வந்த பாஜக தமிழக தலைவர் பொறுப்பு தமிழிசையிடம் வழங்கப்பட்டது. அதே ஆண்டு ஆகஸ்ட் மாதம் பதவியேற்ற அவரது பதவிக் காலம் மீண்டும் நீட்டிக்கப்பட்டது.

எனினும், கடந்த மக்களவை தேர்தல் முடிவில் நாடு முழுவதும் ஒரு முடிவெடுக்க, தமிழகம் மட்டும் அதற்கு நேர் எதிரான முடிவை எடுத்தது. தேர்தல் முடிவுகளில் அதிமுக-வுடன் கூட்டணி அமைத்த பாஜக படு தோல்வி அடைந்தது. இதையடுத்து, தமிழிசையால் எந்த வெற்றியையும் பாஜக-வால் தமிழகத்தில் பெரிதாக ஈட்ட முடியவில்லை என்ற குற்றச்சாட்டுகள் அக்கட்சியினராலேயே வெளிப்படையாக முன் வைக்கப்பட்டன. தொலைக்காட்சி நிகழ்ச்சி ஒன்றில் பேசிய பொன்.ராதாகிருஷ்ணன், தமிழிசை மாற்றப்படுவார் என உறுதியாக தெரிவித்தார்.

“அரசகுமாரை திமுகவுக்கு அனுப்பு”

அதனைத்தொடர்ந்து, மத்திய அரசு உத்தரவின் பேரில், தெலங்கானா ஆளுநராக தமிழிசை கடந்த செப்டம்பர் மாதம் பொறுப்பேற்றுக் கொண்டார். அதன்பின்னர், தமிழகத்தின் அடுத்த பாஜக தலைவர் யார் என்ற எதிர்ப்பார்ப்பு பரவலாக இருந்து வந்தது.

ஹெச்.ராஜா, வானதி சீனிவாசன், பொன்.ராதாகிருஷ்ணன், சி.பி.ராதாகிருஷ்ணன், நயினார் நாகேந்திரன் என பல்வேறு பெயர்கள் அடிபட்டன. சீனியர்கள் என்ற முறையில் பொன்னார் மற்றும் எச்.ராஜாவுக்கு அதிக வாய்ப்புகள் இருப்பதாகவும், கொங்கு மண்டலத்தை கணக்கில் வைத்து . சி.பி.ராதாகிருஷ்ணன், வானதிக்கு அதிக வாய்ப்புகள் இருப்பதாகவும் தகவல்கள் வெளியாகின.

எச் ராஜா, ஸ்டாலின் கைகுலுக்கல், எதுக்குனு தெரியுமா..?

தமிழக பாஜக-வின் முன்னாள் தலைவர் பெண் என்பதால், உடனடியாக அடுத்த தலைவராக பெண் ஒருவரை பாஜக மேலிடம் நியமிக்குமா என்பது சந்தேகமே. அதேபோல், சி.பி.ராதாகிருஷ்ணன், பொன்.ராதாகிருஷ்ணன் ஆகியோரை பொறுத்தவரை இவர்கள் இருவருமே மாநிலத் தலைவராகவும், நாடாளுமன்ற உறுப்பினர்களாக பொறுப்பு வகித்தவர்கள் என்பதால் ஹெச்.ராஜாவுக்கு அதிக வாய்ப்புகள் இருப்பதாக கூறப்பட்டது. இதனிடையே, தமிழக பாஜகவுக்கு பொறுப்பு தலைவர்கள் நியமிக்கப்பட்டனர்.

இந்நிலையில், திடீர் திருப்பமாக அதிமுகவில் இருந்து கடந்த இரண்டு ஆண்டுகளுக்கு முன்னர் பாஜகவில் சேர்ந்த நயினார் நாகேந்திரன் தமிழக பாஜகவின் அடுத்த தலைவராக தேர்ந்தெடுக்கப்பட வாய்ப்புகள் உள்ளதாக தகவல்கள் வெளியாகியுள்ளன.

ஸ்டாலின் தான் அடுத்த முதல்வராம்; என்ன ஆச்சு பாஜகவிற்கு!

பாஜக டெல்லி தலைமை அழைத்ததன் பேரில் நயினார் நாகேந்திரன் இன்று காலை டெல்லி புறப்பட்டு சென்றுள்ளார். இதுகுறித்து பாஜக வட்டாரங்கள் கூறுகையில், தலைவர் பதவிக்கான அறிவிப்பு விரைவில் வெளியாக வாய்ப்புள்ளதாக தெரிவித்துள்ளன. அரசகுமாரின் சர்ச்சை பேச்சு உள்ளிட்ட பல்வேறு காரணங்களால் தமிழக பாஜகவுக்கு விரைவில் தலைவர் நியமிக்கப்பட வேண்டும் என்ற அழுத்தம் டெல்லி தலைமைக்கு ஏற்பட்டுள்ளதாக தெரிகிறது.

பாஜகவில் முன்பெல்லாம் தலைவர் பதவிக்கு அவ்வளவாக போட்டி இருக்காது. ஆனால், பிரதமர் மோடி தலைமையிலான பாஜக அரசு தொடர்ந்து இரண்டாவது முறையாக ஆட்சியை பிடித்திருப்பதும், தமிழகத்தில் பாஜகவுக்கு ஆதரவான நிலைப்பாட்டுடன் செயல்படும் அரசு இருப்பதாலும், பாஜக மாநில தலைவர் பதவிக்கு முக்கியத்துவம் ஏற்பட்டுள்ளது. இதனால், காங்கிரஸ் மாநிலத் தலைவர் பதவியை போன்று பாஜகவிலும் பலர் டெல்லியில் அமர்ந்து லாபி செய்து கொண்டிருக்கிறார்கள். எனினும், வெளித்தோற்றத்துக்கு ஜனநாயக கட்சி போன்று தெரிந்தாலும், அமித்ஷா எடுப்பது தான் முடிவு என்பதால், அவர் கை காட்டும் ஒருவரே பாஜக தலைவராவார் என்பது குறிப்பிடத்தக்கது.




Source link

Show More

Related Articles

Leave a Reply

Your email address will not be published. Required fields are marked *

Close
Close
%d bloggers like this: