ஜோதிடம்

Six Planets in a Sign: Dhanusu Rasi: 537 வருடத்திற்கு பின் 6 கிரக சேர்க்கை… உங்கள் ராசிக்கு என்ன பலன், நீங்கள் என்ன செய்ய வேண்டும் தெரிந்துகொள்ளுங்கள்… – effects of 6 planets meet in danushu rasi after 537 year in tamil

Samayam Tamil | Updated:

தனுசு ராசியில் சனி, கேது, குரு, சூரியன், புதன், சந்திரன் ஆகிய ஆறு கிரகங்கள் டிசம்பர் 25ஆம் தேதி சஞ்சாரம் நடக்க உள்ளது. இதனால் மேஷம் முதல் மீனம் வரையிலான ராசிகளுக்கு எப்படிப்பட்ட பலன்கள் ஏற்படும் என்பதை விரிவாக பார்ப்போம்…

​​537 வருடத்திற்கு பின் 6 கிரக சேர்க்கை

ஜோதிடத்தில் 537 வருடத்திற்கு ஒருமுறை வரும் மிகப்பெரிய அரிய நிகழ்வு. அதாவது காலபுருஷ தத்துவத்தில் 9வது ராசியாக வரும் தனுசு ராசியில் சனி, கேது, குரு, சூரியன், புதன், சந்திரன் ஆகிய ஆறு கிரகங்கள் சஞ்சாரம் நடக்க உள்ளது. இந்த நிகழ்வினால் என்ன நல்லது நடக்கும், அல்லது எப்படிப்பட்ட பலன்கள் கிடைக்கும் என்பதைப் பார்ப்போம். இந்த நிகழ்வு டிசம்பர் 25ஆம் தேதி நடக்க உள்ளது. மூல நட்சத்திரத்தில் இந்த ஆறு கிரகங்கள் சஞ்சாரம் நடக்க உள்ளது.

Also Read: டிசம்பர் 26 நிகழ இருக்கும் சூரிய கிரகணத்தால் பாதிக்கப்பட உள்ள ராசிகள்… எளிய பரிகாரம் இதோ…

​மேஷ ராசி

மேஷ ராசியில் அஸ்வினி, பரணி, கிருத்திகை நட்சத்திரங்கள் உள்ளன. இந்த நட்சத்திரங்களின் அதிபதிகள் தான், தனுசு ராசியில் இருக்கும் மூலம், பூராடம், உத்திராடம் நட்சத்திரங்களுக்கு முறையே கேது, சுக்கிரன், சூரியன் ஆக உள்ளனர்.

மேஷ ராசிக்கு நேர் 9ஆம் பாதமாக தனுசு உள்ளதால் இங்கு இருக்கும் சனி, கேது, குரு, சூரியன், புதன், சந்திரன் ஆகிய கிரகங்கள் சஞ்சரிக்கப் போகின்றன. இந்த சந்திரன் மட்டும் 3 நாட்கள் தனுசுவில் இருக்கப்போகிறது. (டிச 26,27,28)

தல யாத்திரை செல்லுதல், வெளிநாடு பயணம், வேலை முயற்சி செய்தல் மிக நல்ல பலனை தரும். ஒன்பதாம் பாவம் அதிபதி குருவும் அதே வீட்டில் இருப்பதால் நீங்கள் நினைத்தது நிறைவேறும், முட்டுக்கட்டைகள் அகலும். இந்த ஆறு கோல்கள் இருப்பதால் நற்பலன்கள் குவியும். தை மாதம் பிறக்கும் வரை நீங்கள் எடுக்கும் முயற்சிகள் வெற்றியாகும்.

Also Read: டிசம்பர் மாத ராசி பலன் 2019

​ரிஷபம்

ஏற்கனவே உங்கள் ராசிக்கு அஷ்டம குரு, அஷ்டம சனி, அஷ்டம கேது, அஷ்டம சூரியன், அஷ்டம புதன், அஷ்டம சந்திரன் என ஆறு கிரகங்களும் 8வது இடத்தில் இருப்பதால் ஏதேனும் கெடுதல் ஏற்படுமா என்ற பயம் தொற்றிகொண்டுள்ளது.

உங்களைப் பொறுத்த வரை 8ஆம் பாத அதிபதி 8ஆம் இடத்தில் வருவது சிறப்பு. குரு பெயர்ச்சி எப்போது கெடுதல் செய்யாது.

அதோடு அங்கு சந்திரன் 3 நாட்கள் இருக்கும் வரை உங்களுக்கு சந்திராஷ்டமமாக இருக்கும். அதானால் அந்த மூன்று நாட்கள் மட்டும் மிக கவனம் தேவை. குரு 8ல் இருப்பதால் மற்ற கிரகங்களின் கெடுபலனை குறைக்கும்.

Also Read: சனிப்பெயர்ச்சியால் யோகங்களை பெற உள்ள ரிஷப ராசி

​மிதுனம்

6கிரக சேர்க்கை தனுசு ராசியில் நடக்கின்றது. மிதுன ராசிக்கு 7ஆம் இடமாகும். 7ஆம் இடம் என்பது புதிய முயற்சிகள் செய்தல்,பங்குதாரரை நீக்குதல் அல்லது புதிய பங்குதாரர் சேர்த்தலைச் செய்யலாம்,திருமண முயற்சி தடை விலகும். திருமண விருப்பம் இல்லாதவர்கள் கூட திருமண ஆசை உண்டாகும். சனி, கேது இருக்கும் இடத்தில் குரு வருவதால் தடைப்பட்ட காரியங்களை தொடங்கலாம். பாதிப்பு என்பதே இல்லை. எல்லாம் சுபமே.

ராசி அதிபதியே அங்கு இருப்பதால் குடும்ப ஒற்றுமை உண்டாகும் .இந்த பலன்கள் டிசம்பர் 25ஆம் தேதியிலிருந்து ஒரு மாதத்திற்கு யோகமாக இருக்கும்.

​கடகம்

சில விஷயங்கள் செய்ய நேரத்தைப் பார்த்துக் கொண்டிருப்போம். அதில் வெற்றி பெற பல முயற்சிகள் செய்து கொண்டு கடைசியில் அது வெற்றியில் முடிக்கக் கூடிய காலம் இது. 6ஆம் இடத்தில் ஆறு கோல்கள் இருப்பதால், அது போன்ற பலன்கள் உங்களுக்கு உண்டாகும். அதற்கான முயற்சியில் இப்போதே தொடங்குவது நல்லது.

6ஆம் இடம் என்பது சத்ரு ஸ்தானம். அதே 6ஆம் இடத்திற்கு உங்கள் ராசி நாதன் செல்கின்றார். இதுவரை இருந்த நோய் நொடிகள் நீங்கும். சிகிச்சை பெறுபவர்கள் நல்ல முன்னேற்றம் காண்பார்கள். சூரியன் மருந்தாக செயல்படுவார். சரியான காலகட்டத்தைப் பார்த்து வெற்றி அடையக் கூடிய காலம்.

Also Read: ஜோதிடம் அறிவோம்: ஜாதக கட்டமும், ஒவ்வொரு வீட்டுக்கான பலன்கள் என்ன தெரியுமா?

​சிம்மம்

5ஆம் பாவம் என்பது ஒரு மனிதனின் எண்ணம், புத்தி, சிந்தனை, கற்பனை ஆகியவை அடங்கியது. அங்கு அசுபர் கிரகங்கள் வரும்போது கெடுதல் உண்டாகும். அதுவே குரு போன்ற கிரகங்கள் வரும்போது நன்மை உண்டாகும். அங்கு குரு இருப்பதால் மலைப் போல் வந்த தடைகள் பனி போல் விலகும்.

புத்திர பாக்கியம் உண்டாகும். திருமண முயற்சி எடுத்தல், கனவாக நினைத்திருந்த பல கடமைகள் நிறைவேற்றுவீர்கள். 6 கிரக சேர்க்கையால் மனம், புத்தி, சிந்தனை பல கற்பனைகள் உண்டாக்கும். ஆனாலும் அதை கட்டுப்படுத்தி நம் தேவைக்கு ஏற்றவாறு ஒவ்வொரு சிந்தனைகளையும், செயல்களை நடைமுறைப்படுத்தினால் நல்ல அறுவடை பெறலாம். இதைப் பின்பற்ற ஒரு மாதம் அருமையான மாதமாக மாறும்.

தனுசுவில் சந்திரன் வந்து செல்லும் அந்த இரண்டரை நாட்கள் சற்று கவனமாக முடிவு எடுங்கள் எல்லாம் சிறப்பாகும்.

​கன்னி

கன்னி ராசியினருக்கு அர்த்தாஸ்டம சனி, 4இல் கேது, ராசி அதிபதியும் 4இல், குரு 4இல் இருப்பதால் உடல் பிரச்னை வரும் என பலரும் கவலைப்பட வேண்டாம்.

4ஆம் இடத்தில் ராசி அதிபதி இருப்பது சதுர்த்தி கேந்திரம் என்பார்கள். அப்போது வீடு கட்டும் எண்ணம் தோன்றுதல், சனி, கேது இருப்பதால் தேக ஆரோக்கியம் உண்டாகும். வாகன செலவு வரும். வீடு புனரமைக்கும் பணி உண்டாகும்.

புது வேலை துவங்க வேண்டாம். அதற்கான ஒப்பந்தங்களில் கையெழுத்திடுதல், முடிவுகளை எடுப்பதை தவிர்க்கவும். ஒரு மாத காலம் பொறுமையை கையாளுங்கள்.

​துலாம்

3ஆம் இடம் முயற்சி ஸ்தானம். ஆட்களை வைத்து வேலை வாங்குதல், தேக பலம், ஆள் பலம், சகோதர ஸ்தானமாகும். இந்த 6 கிரக சேர்க்கையில் சந்திரன் சேரும் அந்த மூன்று நாட்கள் உங்களுக்கு இந்த விஷயங்களில் சற்று தடைகள் இருக்கும். இருப்பினும் உங்களுக்கு பெரிய சிக்கல் இருக்காது.

துலாம் ராசியினர் எடுக்கும் முயற்சிகளில் கவனம் தேவை. இந்த காலத்தில் புது முயற்சிகள், வேலைகளை தொடங்காமல் இருப்பதே நல்லது. சிவனே என்று இருங்கள்.

புதிய வேலையை தொடங்கியே ஆக வேண்டுமென்றால் உங்கள் ஜனன கால ஜாதகத்தை பார்த்து பின்னர் செயல்படுத்துவது நல்லது.

​விருச்சிக ராசி

இந்த கோள் சாரம் எல்லாம் உங்கள் ராசியைப் பொறுத்து பார்ப்பது நல்லது. லக்கின பலன் பார்க்க வேண்டாம். தனுசு ராசியில் 6 கிரகங்கள் கூடும் போது அங்கு உங்களின் ராசி அதிபதி செவ்வாய் இருப்பது நல்ல விஷயம். இரண்டாம் இடத்தில் குரு இருப்பது சிறப்பு.

உங்களுக்கு இரண்டாம் இடத்தில் சனி, கேது இருப்பது சற்று பின்னடைவாகப் பார்க்கலாம்.

வாக்கு ஸ்தானம் என்பதால் அந்த மூன்று நாட்கள் நாம் வாக்குறுதி கொடுத்தல், ஒப்பந்தம் செய்தல், வாக்குவாதம் செய்வது., புது வேலையை தொடங்குவது கூடாது. வாக்கு ஸ்தானத்தில் இருக்கும் சனி வெளியேறும் வரை பொறுமை அவசியம்.

இந்த 6 கோல்கள் இருக்கும் காலத்தில் ராசி அதிபதி ராசியில் இருப்பதால் கவலை இல்லை. சந்திரன் இருக்கும் வரை கூடுதலாகவும், ஜனவரி 24 சனிப்பெயர்ச்சி வரை கவனமாக இருங்கள். அதன் பின்னர் உங்களுக்கு நல்ல காலம் ஆரம்பிக்கிறது என்றே சொல்ல வேண்டும்.

​தனுசு

தனுசு ராசியில் ஆறு கிரக சேர்க்கை நடக்க உள்ளது. இதனால் எந்த ஒரு பயமும் வேண்டாம். நீங்கள் செய்ய வேண்டியது சந்திரன் தனுசுவில் இருக்கும் அந்த மூன்று நாட்கள் எந்த ஒரு புது முயற்சி, வேலையை தொடங்காமல் இருப்பது நல்லது.

குருவின் பரிபூரண அருள் உண்டு என்பதால் எதற்கும் பயம் வேண்டாம். எதிர்மறை எண்ணங்கள் எதிர்மறை பலனை தரும் என்பதால் எதையும் எண்ணாமல் இறை வழிபாடு செய்யுங்கள் எல்லாம் நன்மையாக அமையும்.

​மகரம்

உங்கள் ராசிக்கு 12ஆம் இடத்தில் 6 கிரகங்கள் சேர்க்கை நிகழ்கிறது. 12ஆம் இடம் என்பது லக்கினத்தைப் பொறுத்து சுப விரய செலவுகள் ஏற்படும். தேவையான செலவு, மருத்துவமனையில் சென்று உடலை பரிசோதித்தல் போன்ற நிகழ்வு நடக்கலாம்.

இந்த ஒரு மாதத்தில் எந்த ஒரு பெரிய இழப்பு நிகழ்வு நடக்காது. பொருட்கள் தவற விடுவது, திருட்டு நடக்கலாம். அதனால் பயணங்கள் செய்யும் போது பொருட்களை பத்திரமாக கவனத்தில் வையுங்கள்.

நல்ல தசாபுத்தி நடந்தால் எந்த ஒரு கிரக சேர்க்கையும் நம்மை ஒன்றும் செய்யாது. 6 கிரக சேர்க்கை நாட்களில் மட்டும் மிக கவனமாக இருப்பது நல்லது.

​கும்பம்

11ஆம் இடத்தில் எவரும் நல்லவர்கள் தான். 11ஆம் இடத்தில் தசா புத்திகள் சரியில்லை என்றாலும் அதனால் எந்த பாதிப்பும் வராது என்பதால் 6 கிரக சேர்க்கை உங்கள் ராசிக்கு எந்த ஒரு சிக்கலும் ஏற்படுத்தாது. அதனால் எந்த செயலையும் ஆக்கப்பூர்வமாக, அறிவுப்பூர்வமாக தைரியமாக எடுத்துச் செய்யுங்கள் கண்டிப்பாக 100% வெற்றி கிடைக்கும்.

சூரியன் குரு இணைவதற்கு குரு ஆதித்திய யோகம், குரு சந்திரன் இணைவிற்கு குரு சந்திர யோகம் என்பார்கள். அதனால் எல்லாம் நன்றாக இருப்பதால் எல்லாம் சிறப்பாக நன்மையாக நடக்கும். உங்கள் எதிர்காலத்திற்கு சிறப்பான திட்டத்தை வகுத்து செயல்படுத்தக் கூடிய காலம்.

​மீனம்

நீங்கள் எடுக்கும் முயற்சிகளை சற்று தள்ளிப்போடுவது நல்லது. குரு பெயர்ச்சிக்கு பின்னர் தொழில் முன்னேற்றம் அடையும். புதிய தொழில் தொடங்குதல். தெரியாத தொழில் செய்யும் போது தான் சிக்கல் ஏற்படும். சனிப்பெயர்ச்சிக்கு பின் எல்லாம் சரியாகும். அதற்கு முன் புதிய செயலில் இறங்கினால் சிக்கல் ஏற்படும்.




Source link

Show More

Related Articles

Leave a Reply

Your email address will not be published. Required fields are marked *

Close
Close
%d bloggers like this: