ஆன்மிகம்

Shashti Pooja 2019: Thirumurugattruppadai: ஏன் தமிழ் கடவுளாக முருகனை வணங்குகின்றோம்… சஷ்டியின் சிறப்புகள் – why we call lord subramanian as tamil kadavul murugan

Samayam Tamil | Updated:

தமிழ் கடவுளாகவும், அழகின் அம்சமாக விளங்குகிறார் முருகன். அப்படிப்பட்ட முருகன் ஏன் தமிழ் கடவுள் என அழைக்கின்றோம்… தமிழ் இனம் ஏன் மூத்த குடி என அழைக்கின்றோம் என்பதை விரிவாக காண்போம்…

மூத்த குடி

தமிழ் கடவுள் முருகன் என போற்றப்படுகிறார். அது ஏன் முருகன் தமிழ்கடவுளாக போற்றப்படுகிறார் என பலருக்கும் கேள்வி எழும்…

தமிழ் இனத்தை குறிப்பிட வேண்டுமானால், “கல் தோன்றி மண் தோன்றா காலத்தே வாளோடு முன் தோன்றிய மூத்த குடி” என குறிப்பிடுவது வழக்கம். அது என்ன கல் தோன்றினால், மண் தோன்றி இருக்குமே என கேட்பீர்கள்…

உலகம் தோன்றிய போது முழுவதும் கடலால் சூழப்பட்டிருந்தது. அதில் மேடான அதாவது மலைகள் உள்ள பகுதி வெளியே தெரிந்து, அதில் மனித இனம் தோன்றியது.

மண் என்பது, மனிதர்கள் நிலத்தை உழுது பயிர் செய்யும் அறிவு வளர்ச்சி அடையும் முன்னரே, ஆளக்கூடிய வாளோடு பிறந்த குடியாக தமிழ் இனம் இருந்தது.

Also Read: தமிழன் கட்டிய உலகிலேயே மிகப்பெரிய கோவில்… அதுல இத்தன மர்மங்கள் ஒளிஞ்சிருக்கா?

​மலை வழிபாடும், முருகனும்:

Image Courtesy

தமிழர்கள் மலைப்பகுதியை அதாவது இயற்கையை தெய்வமாக வணங்கி வந்தனர். இயற்கை என்றால் மரம், செடி, கொடி, அதில் உள்ள விலங்குகளையும் வணங்கி வாழ்ந்து வந்தனர்.

அப்படி உலகத்தில் தோன்றி மக்கள் முதலில் மலையில் ஒரு வகை வழிபாட்டை தொடங்கினார்கள். முருகு என்ற சொல்லுக்கு அழகு என்று பொருள். மக்கள் அழகை உபசித்த ஒருவகை வழிபாடு முருக வழிபாடு. திருப்புகழில் அருணகிரினாதர், “முழுதும் அழகிய குமரன்” என எதையும் குறை சொல்ல முடியாத அளவிற்கு அழகுடன் இருப்பவர் முருகன் என பாடியுள்ளார். அழகெல்லாம் ஒன்றாக சேர்ந்தால் அதற்கு பெயர் தான் முருகு. திருமுருகாற்றுப்படை தனித்த ஒரு சிறப்புடைய இலக்கியம்.

Also Read: எங்கிருந்து வருகிறது நிழல்… சிவனின் நிழலா? – சாயா சோமேஸ்வரா சுவாமி கோயிலில் நிகழும் அதிசயம்

தொன்மையான மொழி

உலகில் தொன்மையான செம்மையான மொழியாக இரண்டு மொழிகள் உள்ளன. அவை தமிழ் மொழி மற்றொன்று வட மொழி. வட மொழி பேச்சு வழக்கு இல்லை இலக்கிய வழக்கு மட்டும் உண்டு. ஆனால் தமிழ் மொழியோ பேச்சும், இலக்கிய வழக்கும் ஒன்றாக சேர்ந்து இன்றும் செழிப்பாக இருக்கும் மொழி.

தமிழில் கிடைத்திருக்கும் மிக பழைய நூல்கள் என்றால் அது சங்க இலக்கியங்கள் ஆகும். அவை பத்துப்பாட்டு, எட்டுத்தொகை, பதினென்கீழ்கணக்கு என மூன்று பகுதிகளாக உள்ளன. அதில் பத்துப்பாடு முதல் பகுதியாக வைக்கப்பட்டுள்ளது. அதிலும் முதலாவதாக திருமுருகாற்றுப்படை உள்ளது.

Also Read: மீனாட்சி அம்மன் கோயிலில் இருந்த போலி சிவலிங்கம்… 48 வருடங்கள் பூஜை செய்யப்படவில்லை ஏன் தெரியுமா?

​மையப் பொருள்

முருகக் கடவுளை நோக்கி ஒரு பக்தனை ஆற்றுப்படுத்துதல் தான் திருமுருகாற்றுப்படை. ஏழைகளை அந்த செல்வந்தரை சென்று பார் உனக்கு பணம் கிடைக்கும் என சொல்வார்கள். அதற்கு ஆற்றுபடை நூல்கள் என்று பெயர்.

அப்படி ஒரு வரியவனை தன் இன்னல்களிலிருந்து விடுபட முருகனை சென்று பார் என சொல்லி பாடுவதாக அமைந்தது தான் திருமுருகாற்றுப்படை. முருகன் எங்கு இருப்பார், அவர் ஓரிடத்தில் இருக்கக் கூடியவர் இல்லை.

முருகனுக்கு ஆறுபடை வீடுகள் உள்ளது என்று சொல்வது தவறு. உண்மையில் ஆற்றுப்படை என்பது தான் மருவி ஆறுபடை என்றாகி இருக்க வேண்டும். அதே சமயம் முருகனுக்கு ஆறு என்பது உகந்தது. அவரை பூஜிக்கும் போது ஆறு இதழ்கள் உள்ள பூக்களை கொண்டு பூஜிக்க வேண்டும் என்பார்கள்.

Also Read: மஞ்ச் சாக்லேட்டை விரும்பி சாப்பிடும் முருகக்கடவுள் – காமெடி இல்லங்க உண்மை… நீங்களே பாருங்க…

​வேலும் ஆறு பக்கமும்:

வேலும் ஆறு பக்கமும்:

முருகனிடம் இருக்கும் வேல் வெறுமனே கீழ் பகுதி அகன்றும், மேல் பகுதி முனையாக கூர்மையாக இருப்பது என்பது மட்டும் அல்ல. வேலின் இரண்டு பக்கமும் மேடு தட்டியிருக்கும். அதை கணக்கிட்டால் கூட ஆறு முனைகள் கொண்டதாக இருக்கும். ஆறு முகங்களை உடையதாக முருகனை நாம் வணக்கியும் வருகின்றோம். இதனால் ஆற்றுப்படை என்பது ஆறுபடையாக மாறியிருக்க வாய்ப்புள்ளது.

​திருமுருகாற்றுப்படை எழுந்ததற்கான காரணம்:

தமிழில் அருமையான புலவர்களில் ஒருவர் நக்கீரர். அவர் திருப்பரங்குன்றத்தில் ஒரு குளக்கரை அமர்ந்து சிவ வழிபாடு செய்து கொண்டிருக்கிறார். அந்த வழிபாட்டு நேரத்தில் மரத்திலிருந்து ஒரு இலை கீழே விழுகிறது. அந்த இலையின் பாதி நீரிலும், மற்றொரு பாதி நிலத்திலும் விழுகிறது. நீரில் விழுந்த பகுதி மீனானது. நிலத்தில் விழுந்த மற்றொரு பாதி தவளை ஆனது. மீன் நீரிலும், தவளை நிலத்திற்கும் அதன் மீதி பகுதியை இழுக்கத் தொடங்கியது.

சிவ பூஜையிலிருந்து கவனம் தவறிய நக்கீரர் இதைப்பார்த்து அதில் கவனம் செலுத்தினார்.

Also Read: தமிழர்கள் கட்டிய பிரமிக்க வைக்கும் மலேசியா பத்துமலைக் குகை முருகன் கோயிலின் வரலாறும், சிறப்புகளும்…

​சிறை பிடித்த பூதம் :

அங்கு தோன்றிய ஒரு பூதம் நக்கீரரை பிடித்து ஒரு குகையில் அடைத்தது. பூஜையில் கவனம் சிதறியவர்களை பிடித்து குகையில் அடைத்து 1000 பேர் ஆனதும் அவர்களை உண்பது தான் அந்த பூதத்தின் திட்டம். அங்கு ஏற்கனவே பலரை அடைத்து வைத்திருந்தது அந்த பூதம்.

குகையில் அடைப்பட்ட நக்கீரர் தன்னை விடுவிக்குமாறு முருகனை நோக்கி பாடினார். அது தான் திருமுருகாற்றுப்படை. அப்படி வேண்டிய மாத்திரத்தில், முருகனின் வேல் புறப்பட்டு வந்து குகையை கிழித்து அங்கிருந்தவர்களை காப்பாற்றியது என்ற குறிப்பு உண்டு.

இந்த செய்தியை அருணகிரிநாதர் திருப்புகழ் பாடும் போது குறிப்பிட்டுள்ளார்.

திருமுருகாற்றுப்படை

அப்படி உருவான பேரிலக்கியம் தான் திருமுருகாற்றுப்படை. இதில் முருகனை எப்படி வணங்க வேண்டும், முருகனின் ஆறுபடை வீடுகள் குறித்தும் குறிப்பிட்டுள்ளார்.

முருகன் எல்லா காலத்திற்கும் உரியவன், எல்லா வயதுக்கும் உரியவன், எல்லா நிலைக்கும் உரியவன். முருகனை வணங்குவோருக்கு இக, பர, செளபாக்கியம் இச்சை உண்டு என்பது தான் பொருள்.

வள்ளி இக உலக இன்பத்தின் அடையாளம், தெய்வயானை ‘பர’ விண்ணுலக இன்பத்தின் அடையாளம். எனவே மண்ணுலக, விண்ணுலக இன்பத்தை அருளுகின்ற அந்த எல்லாம் வல்ல முருகப்பெருமானின் கருணையால் எல்லோரும், எல்லா வளமும் பெற்று வாழ்வாங்கு வாழ முருகனை வணங்குவோம்.




Source link

Show More

Related Articles

Leave a Reply

Your email address will not be published. Required fields are marked *

Close
Close
%d bloggers like this: