செய்திகள்

December 3: 03.12.19 – என்னவெல்லாம் நடந்துருக்கு இன்னைக்கு – today news roundup 031219

17 பேர் பலி விவகாரம் – தீண்டாமை சுவர் அமைத்த வீட்டின் உரிமையாளர் கைது..!


கோவை மாவட்டம்
மேட்டுப்பாளையம் நடூர் கிராமத்தில் நேற்று 20 அடிக்கு கட்டப்பட்டிருந்த சுற்று சுவர் இடிந்து பக்கத்துக்கு குடியிருப்பில் விழுந்ததில் 17 பேர் உடல் நசுங்கி பலியாகினர்.

இந்நிலையில், தீண்டாமை காரணமாக கருங்கல்லினால் அபாயகரமான சுவரை கட்டிய புகார்களின் அடிப்படையில் சிறுமுகை பகுதியில் வைத்து தனிப்படை போலீசார் அவரை விசாரணை செய்து வருகின்றனர்.

உயிரிழந்தவர்களின் குடும்பத்தினருக்கு புதிய வீடுகள், அரசு வேலை, நிதியுதவி – அள்ளித் தெளிக்கும் எடப்பாடி

சுவர் இடிந்து உயிரிழந்தவர்களின் குடும்பத்திற்கு தலா 10 லட்ச ரூபாய் அளிக்கப்படும் என்று தெரிவித்தார். ( 4 லட்ச ரூபாய் அரசு பேரிடர் மேலாண்மை நிதியிலிருந்து , 6 லட்ச ரூபாய் முதலமைச்சர் நிதியிலிருந்து ) உயிரிழந்தவர்களின் குடும்பங்களுக்கு தகுதிக்கேற்ற அரசு வேலை வழங்கப்படும் என்றும் அறிவித்தார்.உயிரிழந்த 17 பேரின் குடும்பத்திற்கும் புதிய வீடுகள் கட்டித்தரப்படும் என்றும் தெரிவித்துள்ளார்.

விக்ரம் லேண்டரை கண்டுபிடித்த மதுரை இளைஞருக்கு ஸ்டாலின் பாராட்டு…

இஸ்ரோ, நாசா ஆகிய இரண்டு ஆராய்ச்சி விஞ்ஞானிகளுக்கே புலப்படாத விக்ரம் லேண்டரை வானியல் துறையில் அனுபவமே இல்லாத மதுரை இளைஞர் கண்டுபிடித்துள்ள நிகழ்வை உலகமே பாராட்டி வருகிறது.

பொன் மாணிக்கவேலுக்குப் பிறகு சிலை கடத்தல் தடுப்பு பிரிவு ஐஜி இவர்தான்…?

சிலை கடத்தல் தடுப்புப் பிரிவு அதிகாரி பொன்மாணிக்கவேலின் பதவிக்காலம் முடிந்ததையடுத்து, சிலைக்கடத்தல் பிரிவின் அடுத்த சிறப்பு அதிகாரியாக
ஐஜி அன்பு நியமிக்கப்பட்டுள்ளார்

2001 ஆம் ஆண்டு காவல்துறையில் பணியைத் தொடங்கிய டி.எஸ்.அன்பு தற்போது சென்னைப் பெருநகர காவல்துறையின் ஐஜி (நிர்வாகம்) யாக பதவி உயர்வு செய்யப்பட்டார். இப்போது சிலைக் கடத்தல் தடுப்புப் பிரிவின் ஐஜியாக நியமிக்கப்பட்டு உள்ளார்.

பாஜகவிற்குள் பற்றி எரியும் நெருப்பு- நிஜமாவே பற்ற வைத்து ஆர்ப்பாட்டம்!

திமுக தலைவர் மு.க.ஸ்டாலினை புகழ்ந்து பேசி, தமிழக அரசியலில் பேசுபொருளாக பாஜகவின்
அரசகுமார் மாறியுள்ளார். ஆனால் இது அவரது கட்சிக்குள் நெருப்பை பற்றி வைத்துள்ளது

இந்நிலையில், பாஜக சார்பில் நடத்தப்படும் கூட்டங்கள், நிகழ்ச்சிகள், விவாதங்களில் பங்கேற்க அரசகுமாருக்கு இடைக்கால தடை விதிக்கப்பட்டிருப்பதாக கூறப்படுகிறது.

செம ஹேப்பி விஜயகாந்த்; தமிழக அரசு இப்படியொரு நடவடிக்கை!

கடந்த 2013, 2014 ஆகிய ஆண்டுகளில் முன்னாள் முதலமைச்சர் ஜெயலலிதா, தமிழக அரசு மற்றும் அமைச்சர்களை விமர்சித்து பேசியதாக தேமுதிக தலைவர் விஜயகாந்த் மீது அவதூறு வழக்குகள் தொடரப்பட்டன.

இந்நிலையில் விஜயகாந்த் மீது தொடரப்பட்ட அவதூறு வழக்குகளை தமிழக அரசு இன்று திரும்பப் பெற்றுக் கொண்டது.

தமிழக பாஜக தலைவராகிறார் நயினார் நாகேந்திரன்?

மத்திய அரசு உத்தரவின் பேரில், தெலங்கானா ஆளுநராக தமிழிசை கடந்த செப்டம்பர் மாதம் பொறுப்பேற்றுக் கொண்டார். அதன்பின்னர், தமிழகத்தின் அடுத்த
பாஜக தலைவர் யார் என்ற எதிர்பார்ப்பு பரவலாக இருந்து வந்தது.

இந்நிலையில், திடீர் திருப்பமாக அதிமுகவில் இருந்து கடந்த இரண்டு ஆண்டுகளுக்கு முன்னர் பாஜகவில் சேர்ந்த நயினார் நாகேந்திரன் தமிழக பாஜகவின் அடுத்த தலைவராக தேர்ந்தெடுக்கப்பட வாய்ப்புகள் உள்ளதாக தகவல்கள் வெளியாகியுள்ளன.




Source link

Show More

Related Articles

Leave a Reply

Your email address will not be published. Required fields are marked *

Close
Close
%d bloggers like this: